ចំនេះដឹងពីម៉ាស៊ីនត្រជាក់

ម៉ាស៊ីនត្រជាក់ពីរកំណាត់

សេចក្តីផ្តើម

          ម៉ាស៊ីនត្រជាក់ដែលផលិតពីរោងចក្រមានច្រើនធុន ច្រើនប្រភេទ ហើយយកមកប្រើប្រាស់ក្នុងតម្រូវការសង្គមតាមទិសដៅផ្សេងៗពីគ្នា។

 

          ម៉ាស៊ីនត្រជាក់មានតួនាទីយ៉ាងសំខាន់សំរាប់សង្គមបច្ចុប្បន្ន ដើម្បីតម្រូវសីតុណ្ហភាពមួយប្រកបទៅ

ដោយផាសុកភាពដ៏សែនមនោរម្យ សំរាប់ទ្រទ្រង់ជីវភាពរស់នៅ និងជីវភាពការងាររបស់សង្គម។

លក្ខណៈម៉ាស៊ីនត្រជាក់ពីរកំណាត់

          ម៉ាស៊ីនត្រជាក់ពីរកំណាត់ចែកចេញជាពីរគឺ

                   ១,កំណាត់អេវ៉ាប៉ូរ៉ាទ័រ (Indoor Unit)ដែលតម្លើងនៅខាងក្នុងបន្ទប់គេង ឬបន្ទប់ការិយាល័យ។

                   ២,កំណាត់កុមប្រេស័រ និងកុងដង់ស័រ (Outdoor Unit) ដែលតម្លើងនៅខាងក្រៅបន្ទប់គេង ឬ

បន្ទប់ផ្សេងទៀត។

ចំណាំ៖ផលវិបាករបស់ម៉ាស៊ីនត្រជាក់ពីរកំណាត់ គឺបញ្ហាបង្ហូរទឹកចេញពីអេវ៉ាប៉ូរ៉ាទ័រ(Indoor Unit)។

គ្រឿងបង្គុំរបស់កំណាត់អេវ៉ាប៉ូរ៉ាទ័រ

          » កំណាត់អេវ៉ាប៉ូរ៉ាទ័រផ្គុំឡើងដោយ៖

                   »បន្ទះអេវ៉ាប៉ូរ៉ាទ័រ

                   »ម៉ូទ័រកង្ហារ និងស្លាបព្រិល

                   »ម៉ូទ័ររបស់ស្លាបព្រិល(សំរាប់ធ្វើអោយស្លាបព្រិលរេ)

                   »ប្រព័ន្ធសៀគ្វីបញ្ជាអេឡិចត្រូនិច

                   »ទែម៉ូស្តា(ទែមិចស្ទ័រ)

                   »កុងដង់សាទ័រ