ការថែទាំម៉ាស៊ីនដេរ

    ​​​​​      ការថែទាំម៉ាស៊ីនដេរ

       ក្រៅពីសមត្ថភាពជួសជុលម៉ាស៊ីនដេរ យើងត្រូវមានសមត្ថភាពថែទាំម៉ាស៊ីនដេរទៀតផង។​ ការថែទាំម៉ាស៊ីនដេរគឺ សំអាត ដាក់ប្រេង ដើម្បីឲ្យម៉ាស៊ីនដេរដើរបានស្រួល។ បើយើងថែរក្សា

ម៉ាស៊ីនដេរដោយដាក់ប្រេងនិងជូតសំអាតជាប្រចាំ ម៉ាស៊ីនដេរនិងដំណើរការបានល្អ ស្រួលដេរ ជាពិសេសធ្វើឲ្យយើងមានអារម្មណ៍សប្បាយរីករាយទៀតផង។

      សម្ភារៈដែលត្រូវប្រើសម្រាប់សំអាតម៉ាស៊ីនដេរមាន ក្រណាត់សំពត់ជប់ទឹក ប្រេងម៉ាស៊ីនប្រេង

កាតប្រេងដូង ច្រាស តួណឺវីស។  

      ដើម្បីសំអាតនិងដាក់ប្រេងម៉ាស៊ីនដេរត្រូវអនុវត្តដូចខាងក្រោម ៖

            »ដោះម៉ាស៊ីនដេរចេញតាមផ្នែកផ្សេងៗដូចជាៈ ម្ជុល បូប៊ីន ប្រអប់បូប៊ីន ចេស ប្រដាប់ទាញ

ក្រណាត់សំពត់សន្ទះមុខ ។

           »យកក្រណាត់សំពត់ជូតគ្រប់ផ្នែកទាំងអស់ឲ្យជ្រះធូលី។

           »ដាក់ប្រេងកាតឬប្រេងដូងលើចំណុចដែលវិលទាំងអស់ដោយប្រើច្រាស។

           »ទុកម៉ាស៊ីនចំនួន ៣ ឬ ៤ ម៉ោងឲ្យជ្រាបប្រេងទើបសំអាតសម្រេច។

           »ដុសផ្នែកដែលវិល ហើយរៀបផ្នែកទាំងឡាយដែលដោះដាក់បញ្ចូលគ្នាវិញ។

             »ជូតសំអាតដោយប្រើក្រណាត់សំពត់ទន់ ។